Nýr sveitarstjóri Hvalfjarðarsveitar!!!

Orð að engu gjörð. Ég gat ekki stillt mig um að senda háttvirtri sveitarstýru bréf í tölvupósti í morgun, þrátt fyrir að hafa lýst því yfir að ég ætlaði aldrei að tala við hana meir. Ég bara verð sífellt gramari og gramari yfir móttökum hennar á fundi okkar um daginn og meira og meira hissa. Áðurgefin munnleg loforð kýs hún að láta sem vind um eyrun þjóta og að hafa þannig að engu heiður og æru forvera hennar. Það er eins og hún haldi að við séum einhver óþjóðalýður sem ætlar sér bara að lifa á hreppnum eða ég veit ekki hvað það er. En hér fyrrum voru munnleg loforð engu minna marktæk en skrifleg. Fólk settir æru sína að veði og þótti skömm og ærumissir að ganga á bak orða sinna. Þannig að ég spurði hana bara að því hvar hennar æra væri. Ég meina, hún er þarna að taka við hlutverki sveitarstjóra og ætti að höndla málið samkvæmt þvi, finnst mér en ekki eftir geðþóttaákvörðun byggða á persónulegu áliti hennar á okkar stöðu sem ég leyfi mér að efast um að hún hafi kynnt sér til hlítar fyrir títtnefndan fund. Það vita allir sem vilja, að bréfið sem ég skrifaði sveitarstjórn á sínum tíma þar sem ég óskaði eftir aðstoð þeirra var skrifað að beiðni starfandi sveitarstjóra þá, svo að þeir hefðu eitthvað haldbært í höndunum til að geta fjallað um okkar mál á fundi að því að þeir voru allir af vilja gerðir til að aðstoða okkur en svo hefur hún störf og gerir að engu allt sem búið er að vinna og bara með orðum. Þar gilda þau sem gullinn gjaldmiðill. Skyldi ég fá eitthvert svar.

Athugasemdir

[Gauti Halldórsson, 27.5.2008 kl. 08:44]

Hæ Bylgja ,mikið er ég þér sammála,en þá spyr ég þig að einu, þar sem þetta mál var komið í  einhvern farveg hjá fyrrverandi sveitastjóra,hefur sveitastjórnin þá ekkert um það að segja hvernig nýr sveitastjóri höndlar málið, nei ég bara spyr???????

[didda (IP-tala skráð) 27.5.2008 kl. 10:22]

Hæ kíktu á þetta. http://andreaolafs.blog.is/blog/andreaolafs/entry/551970/

[Bylgja Hafþórsdóttir, 27.5.2008 kl. 10:25]

Veit það svei mér ekki, var að senda sveitarstjóra tölvupóst þar sem ég óska eftir formlegri neitun frá þeim og upplýsingum um hvort og hvenær þá félagsmálanefnd hefur fjallað um okkar mál þar sem ég finn ekkert um það á heimasíðu Hvalfjarðarsveitar og formaður félagsmálanefndar sagði mér sjálf að þau hefðu ekkert getað fjallað um þetta þar sem þau vissu ekkert hvernig þau ættu að gera það. Vil fá betri rökstuðning fyrir neitun en munnlega neitun og að við föllum ekki inn í einhvern ramma og séum með of háar tekjur.