Sjónvarp allra landsmanna sýnir engan áhuga á myglusvepp.

Hef undanfarna daga sent fréttastofu sjónvarpsins smá tölvupósta þar sem ég hef hvatt þau til að fara að skoða það úrræðaleysi og vanþekkingu sem ríkir hér á landinu bláa í sambandi við myglusvepp og mögulegar afleiðingar hans. Nú halda örugglega einhverjir að ég sé athyglissjúk kelling með það eitt að markmiði að komast í fjölmiðla en verð að valda þeim vonbrigðum. Er ekki að tala um mig og mína reynslu í viðkomandi tilfelli heldur það sjónarhorn að alls staðar skuli fólk koma að lokuðum dyrum sem lendir í þessum fjanda. M.a.s. Hollustuvernd, ja, eða starfsmenn hennar og fulltrúar virðast enga hugmynd hafa um að þetta sé til og virðast ekki hafa neinar lausnir eða úrrræði, hvorki tæki til sýnatöku eða neitt annað. Mig bara langar svo til að almenningur og stjórnvöld séu upplýstari um myglusveppi og að RÚV sinni upplýsingaskyldu sinni sem ríkisfjölmiðill og fræði fólk og knýi á um lausnir. Ég stend fastar en á fótunum á því að bara NÚNA er fullt af fólki sárveikt einhvers staðar og hefur ekki hugmynd um af hverju og veit ekki hvert það á að snúa sér til að ná bata. En ég fæ engin viðbrögð við tölvupóstunum mínum svo ég get ekki annað en ályktað að starfsfólk fréttastofunnar sé jafn fáfrótt og áhugalaust um þennan vanda og stjórnvöld.

Athugasemdir

[alva (IP-tala skráð) 29.5.2008 kl. 11:10]

já, það er ekki nógu gott, þetta er nefnilega mjög athyglisvert og væri gaman að sjá umfjöllun um þetta í t.d. Kastljósinu.  Fá Sylgju Sigurjónsdóttur í Kastljósið og þig, þið hafið báðar orðið illilega fyrir barðinu á þessu, heyri ég!!

[Bylgja Hafþórsdóttir, 29.5.2008 kl. 11:33]

Andrea Ólafsdóttir sem er að skrifa um þetta í háskólanum væri mjög fín. Þekkir þetta örugglega mjög vel. Hún og Sylgja yrðu frábærar, held ég.

[Kjartan Pálmarsson, 29.5.2008 kl. 18:51]

Einn af bloggvinum mínum kallar sig Lillo. Kíkkaðu á hann og sendu honum tölvupóst. Það er aldrei að vita nema hann hafi aðgang af einhverjum sem gæti tekið þetta mál upp á sína fjölmiðlaarma.

Lof mér að frétta!