Söfnunarreikningurinn okkar : )

Er mér bæði ljúft og skylt að upplýsa ykkur bloggvinir góðir og aðrir þeir frábæru einstaklingar sem hófu söfnun handa okkur og hafa á bloggsíðum sínum um hvernig gengur: OOOGGGG HÉR KOMA NÝJUSTU TÖLUR DADADADAM Inn á reikninginn minn eru komnar 178.000 kr. sem er BAAAARRRA æðislegt. Þetta er alveg ný reynsla fyrir mér að upplifa og erfitt að útskýra hvernig mér líður. Þegar ég sá svo á blogginu hennar Dísu Gests. að sveitungar mínir hér í minni yndislegu Hvalfjarðarsveit hafa einnig staðið fyrir söfnun okkur til handa, ja, þá fór ég bara í flækju og verð að viðurkenna skömm mína. Fyrir allnokkru síðan hringdi í mig góð kona héðan úr sveitinni, held hún kæri sig ekki um að vera nefnd á nafn, og viðraði þessa hugmynd við mig og ég man að ég stamaði út úr mér samþykki. En svona getur maður verið vitlaus, ég heyrði aldrei neitt meira á þetta minnst og tók þessu bara sem hugmynd sem var góðra gjalda verð og ég mat mikils að hún væri að hugsa á þessum nótum. Hefði átt að vita betur, konan sú, er kona framkvæmda ekki orða og ég skammast mín niðrí tær fyrir að hafa ályktað svona bjánalega. M.a.s. bróðir minn sem býr líka hér í sveitinni vissi um þessa söfnun handa okkur en var ekkert að minnast á það.  Hógværð og lítillæti eru hugtök sem samsveitungar mínir vita svo sannarlega hvað þýðir og þeim hefur sko ekkert fundist ástæða til að vera að gaspra eitthvað með þetta. En enn og aftur það er gott, þó skrítið sé, að upplifa á eigin skinni hvernig landinn stendur saman þegar á bjátar hjá náunganum og þið eruð mér öll afskaplega mikils virði. Þakklætiskveðja BH

Athugasemdir

[Þorsteinn Sverrisson, 29.3.2008 kl. 11:38]

Hæ, viltu ekki birta reikningsnúmerið þitt hérna fyrir þá sem vilja styðja ykkur.  Bæta engar tryggingar svona tjón, t.d. húseigendatryggingar?

[Dísa Gests (IP-tala skráð) 29.3.2008 kl. 13:35]

Gangi ykkur sem allra best. Ég hefði nú viljað sjá hærri upphæðir en þetta kemur, góðir hlutir gerast hægt