Samviskuleysi eiturlyfjaneytenda

Er virkilega slegin yfir hverju fólki dettur í hug nú orðið. Annað hvort sér til gamans eða til að ná sér í peninga fyrir dópi. Að hóta fólki með sprautunálum til að ná sér í smáaura. Ég meina hvað er að. Skil bara ekki hvernig hægt er að koma svona fram við náungann. Systursonur minn sem er 18 ára lenti í því að verða viðskila við vini sína niðrí bæ eina nóttina og þar sem klukkan var orðin margt ákvað hann að labba bara heim þar sem hann bjó ekki langt frá miðbænum. Þótt drukkinn væri þá varð hann þess var að einhverjir voru að elta hann og er hann leit við sá hann fjóra menn koma í humátt á eftir sér. Hann tók það til bragðs að hlaupa af stað þar sem hann átti stutt eftir heim. En þér náðu honum við útidyrnar þar sem 3 héldu honum niðri og 1 skar hann með hnífi. Einhverjum vikum áður hafði hann lent í útistöðum við þá þegar þeir voru að níðast á kærustunni hans og nú átti aldeilis að hefna sín. Er þetta lið algerlega samviskulaust, skil ekki hvernig þeir geta lagst til svefns að kveldi með svona á samviskunni. Eins og myndirnar sýna ber hann  merki þessa eina kvölds um alla framtíð. Eiturlyf eru ein ömurlegasta uppfinning allra tíma og hefur skilið marga fjölskylduna eftir í sárum. Velti oft fyrir mér hvort það séu ekki margir sem eru orðnir góðir og gegnir Þjóðfélagsþegnar í dag sem eru með eitthvað svona á samviskunni og þurfa að lifa með því alla tíð. Ekki vildi ég vera þeir.

Athugasemdir

[Óskar Arnórsson, 22.3.2008 kl. 06:49]

Eiturlyfjaneytendur eru með samvisku eins og allir aðrir. málið er bara að þeir aftengjast samvisku sinni undir áhrifum vímuefna..að öðru lyuti eru þeir bara fólk eins og allir aðrir..

[Bylgja Hafþórsdóttir, 22.3.2008 kl. 10:33]

Nákvæmlega, skilur það sennilega bara sá sem hefur reynt hvernig hægt er að pakka henni bara saman og henda inn í skáp og fara svo og fremja ódæði sem þetta og sækja samvisku sína eftir á inn í skápinn eins og ekkert hafi í skorist.

[Baldur Gudnason (IP-tala skráð) 25.3.2008 kl. 11:08]

Flest allir eiturlyfjaneitendur samvisku, en their sem hafa enga samvisku eru adilarnir sem fjármagna og flytja inn eiturlyfinn..  . I augum okkar a Islandi (eins og annars stadar) eru adilarnir sem fjármagna kaupinn bara frabærir, skemtilegir og snidugir bissness menn (ad vid höldum) en i raun aumingjar og an allrar samvisku.