Darn, er með hænu inni í stofu.

 Hleypti hundunum mínum út í morgun eins og venjulega. Búum afskekkt svo engin ástæða til að hafa þá ðí bandi. En í útihúsunum sem eru hérna heldur kona ein hænur og eru þær alltaf inni. Svo í morgun þá byrjaði litli hundurinn minn að gelta af öllum lífs og sálarkröftum. Það er óvenjulegt svo lengi sem enginn er á ferðinni þannig að ég sendi manninn minn út til að gá hvað gengi að honum. Og, hjálp, ein hænan virðist einhvern veginn hafa sloppið út og hann var búinn að króa hana af og reyndi allt hvað hann gat til að ná henni. Sem betur fer tókst það ekki, en ansi er hún nú reytt greyið, hann virðist hafa náð að kroppa fjaðrir af henni svo hún er með skallablett á bakinu. Veit ekkert hvenær hún slapp út en allavega var hún blaut og köld. Ætluðum að reyna að setja hann inn í hænsahúsið aftur en þar er allt lokað og læst. Svo að það var bara náð i hundabúrið og þar kúrir hún upp við einn ofninn í stofunni. vona að hún jafni sig greyið. Getið rétt ímyndað ykkur skammirnar sem hundgreyið fékk og nú er hann í stofufangelsi og verður þa' í allan dag. Þorir ekki að gefa frá sér múkk, veit sko alveg upp á sig skömmina.

Athugasemdir

[Hólmar (IP-tala skráð) 22.3.2008 kl. 11:18]

Bawaahahaha ég hef alltaf vitað að Brúnó væri hugrakkur hann hefur örugglega bara ætlað að ná sér í Hænu til að tryggja að hann fengi páskaegg á morgun :) You go Brunó cats som chicks

[Sæunn (IP-tala skráð) 22.3.2008 kl. 11:24]

Hahahahahahahahahah:D brúnó er svo mikill ólátabelgur ! enjá ég vitna í pabba og meina kommon, kanski langar honum bara í páskaegg;)  verður bara að ná hænukonuni næst þegar hún kemur:P en allavega..

 kveðja. Sæunn ( dóttir þín;D )