Áttu barn sem er sífellt lasið - Gæti heimilið verið sýkt af myglusveppum???

Ástæðan fyrir skrifum mínum í dag er sú að í gær kom tvíburasystir mín í heimsókn og sagði mér þær fréttir að stöðug veikindi  lítilla tvíbura sem búa á neðri hæð húss þar sem hún leigði tímabundið er nú búið að rekja til myglusvepps. Og maður er alltaf svo vitur eftir á, þrátt fyrir að hafa komið þarna nokkrum sinnum, og hafa sjálf verið veik af þeirra völdum, þá áttaði ég mig ekki á af hverju mér leið alltaf svona illa þegar ég kom inn í þetta hús. Lyktin í forstofunni hefði átt að kveikja á viðvörunarbjöllum hjá mér en hugurinn var einhvern veginn svo fastur í að fyrst ég væri farin úr húsinu þá gæti þessi fjandi ekki skaðað mig lengur. En, foreldrar please, ef þið vitið einhvers staðar af rakaskemmdum í húsinu ykkar,  finnið fúkkalykt sem þið losnið ekki við og eigið barn sem er alltaf einhver lumbra í látið þá athuga málið. Því að eyðilegging sveppsins á ónæmiskerfinu getur og verður oft á tíðum varanleg. Börnin þola ekki það sem þau þoldu áður, með ofnæmi fyrir öllum sköpuðum hlutum og verða alla tíð.

Athugasemdir

[Sæunn (IP-tala skráð) 25.3.2008 kl. 21:11]

flott hjá þér að láta fólk vita af þessu;) enda eins og þú kanski manst þá að í gamla húsinu var þessi eilýfa fúkkalykt og sjá bara hvað við fengum útúr því.. betra að vera viss;)

[Alva Kristín Ævarsdóttir (IP-tala skráð) 26.3.2008 kl. 11:12]

Sæl Bylgja, hræðilegt að heyra þessar fréttir af fjölskyldunni þinni, skelfilegar hrakfarir. Ég vildi benda þér að tala við Sylgju Sigurjónsdóttur, hún óg fjölskylda hennar misstu allt sinn vegna myglusvepps. Nú er hún orðinn sérfræðingur á þessu sviði.  En þau fengu bætur og voru úti með krakkana sína í hálft ár, til að ná sér.  Þú finnur hana í símaskránni, eina Sylgjan á Íslandi held ég.

Ég vona að allt fari á sem bestan veg hjá ykkur. 

Bestu kveðjur að norðan, Alva Ævarsdóttir.