Jú, endilega bíða þar til fleiri eru fallnir!

Finnst þetta vægast sagt óheppilegt orðaval hjá virðulegum Einari og kannski lýsandi fyrir hugsunarhátt þann sem viðgengst hjá þeim sem eitthvað hafa með vegamál að gera. Og ekki bara þeim, eins og ég hef áður sagt þá virðist aldrei vera hægt að gera neitt til að byrgja brunninn fyrr en alla vega tugir eru dottnir ofan í hann. Þessi reddingafyrirhornhugsunarháttur er eitthvað sem alltof lengi hefur viðgengist á Ísalandinu við allt og allt. Nú er mál að rífa hausinn úr sandhrúgunni, horfa til framtíðar og hætta þessum smásmugu og nánansarhætti við það sem kostar einhverja peninga. Það er alltof dýrt að hugsa svona, við erum ekki lengur þjóð skorts og fátæktar. Segjum stopp við fátæktarhugsunarhætti vegagerðarinnar. Þeir verða að fara að opna augun fyrir því að Ísland er Ísland nútímans en ekki gamalt örbirgðarsamfélag þar sem hægt er að bjóða fólki upp á allt.

Fleiri slys og óhöpp

Athugasemdir

[Einar Magnús Magnússon (IP-tala skráð) 9.4.2008 kl. 19:33]

Kæra Bylgja. Það kemur ekki fram í þessari frétt að Umferðarstofa hefur mánuðum saman komið ábendingum, kvörtunum og áhyggjum til Vegagerðarinnar og lögregllu vegna þess hvernig málum hefur verið háttað á Reykjanesbrautinni. Við höfum átt fundi með fulltrúum Vegagerðarinnar vegna þessara mála þar sem við höfum farið vandlega yfir þessi mál með óskum um úrbætur. Umferðarstofa er ekki eftirlitsaðili hvað þessi mál varðar en lætur sig þetta þó vitanlega varða, sbr. framan sagt þar sem þetta varðar umferðaröryggi þeirra sem um Reykjanesbrautina fara. Vona að þetta leiðrétti augljósan misskilning.

[Högni Jóhann Sigurjónsson, 9.4.2008 kl. 23:55]

Það er ekki eftir neinu að bíða, en bíðum samt aðeins, saggði kerlingin forðum.