Misjafn sauður í mörgu fé!!!

Alltaf dettum við Íslendingar í þann pytt að dæma fjöldann eftir einstaklingi og þá helst þeim versta. Við verðum að hætta að líta á innflytjendur sem annað samfélag innan okkar samfélags. Og þeir verða sjálfir að hætta að líta á sig þannig. Það er ekki rétt að leyfa þeim að komast upp með að læra ekki íslenskuna þeirra sjálfra vegna. Ég þekki t.d. Pólverja og Mexikóa eins og örugglega flestir hér á þessu landi núorðið og þeir tóku þann pólinn í hæðina að aðlaga sig að Íslandi, lærðu tungumálið, fengu menntun sína metna og starfa í sínum geira. Héngu ekki í einhverju láglaunastarfi af því þeir nenntu ekki að læra íslensku og öllum var sama. Við verðum að gera íslenskunám að skyldu fyrir þá innflytjendur sem hingað koma en ekki matreiða allt fyrir þá á þeirra tungumáli og losa þá þannig undan því að þurfa að læra mál síns nýja heimalands. Auðvitað er það eðlilegasti hlutur í heimi að þeir haldi sig saman, nákvæmlega eins og við gerum með okkar ættingjum og vinum en að kalla það samfélag finnst mér ekki rétt viðhorf og þeir ættu að leita allra leiða til að brjóta það samfélag upp og falla þannig betur inn í hið íslenska.

„Pólska samfélagið hefur lokast dálítið“