Bréfið mitt í Mogganum - Engin viðbrögð

Jæja, nú er kominn fimmtudagur og enn hef ég engin svör fengið við opna bréfinu mínu til Guðlaugs Þórs og Þórunnar Sveinbjarnar og birtist í Mogganum sl. þriðjudag. Kannski eru þau bara svona lengi að lesa eða eitthvað. Get ekki annað en velt fyrir mér hvort viðbrögð þeirra við bréfinu mínu hefðu verið önnur og meiri ef kjósa ætti til Alþingis þetta árið. Bíð eftir og hreinlega geri heimtingu til að stjórnvöld sjái nú sóma sinn í að fara að skoða þessi mál af einhverri alvöru og jafnvel breyta lögum um skyldutryggingar þannig að þær dekki ekki bara ef hús eyðileggjast af völdum bruna. Svo endilega elskurnar mínar, ef þið rekist á þau, þá endilega látið þau vita að ég sé að bíða eftir einhverjum viðbrögðum eða svörum frá þeim. Bara hringja í 118 ef ykkur vantar símanúmerið mitt, Guðlaugur og Þórunn. Júhú, hvar eruð þið????

Athugasemdir

[Kjartan Pálmarsson, 27.3.2008 kl. 12:04]

Sæl!

Ég held það sé farin að myndast biðröð hjá Guðlaugi þór, heyrði í útvarpinu fyrir ca mánuði síðan viðtal við Mumma í Mótorsmiðjunni að hann væri að spá í að lýsa eftir GÞ á Mjólkurfernum þar sem hann væri búinn að bíða það lengi eftir viðtali við hann,ætli sé ekki vika síðan hann endurtók þetta í einhverjum prentmiðlinum,hefur greinilega ekki neitt heyrt.

Enn það er rétt hjá þér ef kosningar væru í nánd væru þau bæði búin að hafa samband eða svara þér með einhvrjum hætti.

Gangi þér og þínum svo bara hrikalegavel í þessari baráttu.

ps: Hef sett inn smá færslu um mál ykkar.

Kveðja úr Kópavoginum