Ótrúlega mikill hlýhugur frá öllum....

... ókunnugu fólki sem þekkir okkur ekki neitt en er allt af vilja gert til að leggja okkur lið. Og að ég tali nú ekki um viðtökurnar og viðbrögðin við þessu bloggi mínu og allan þann stuðning sem ég hef fengið. Það er m.a.s. búið að stofna söfnunarreikning og elskulegt fólk, fullt af náungakærleik, hefur sett eitthvað inn á síðurnar sínur um þetta allt saman. Maðurinn minn er búinn að vera á haus niðrí grunni, keyra úr honum og í hann aftur og í morgun kom valtari frá fyrirtæki neðan af Skaga og valtaði grunninn og getið þið hvað hann tók fyrir það??? Heilar 10.000 krónur sem er náttúrulega ekki neitt. Ég var eins og kleina, kann þetta ekki, og þaðan af síður maðurinn minn sem alltaf reddar öllu. Ef ég væri í sambúð með einhverjum öðrum, þá er sko ekki víst að ég væri svona róleg yfir þessu öllu saman. Trúi honum og treysti, sama hvað hann tekur sér fyrir hendur, þá reddar hann því. Og nú er minn ákveðinn í að koma þaki yfir höfuðið á okkur aftur og ég veit að hann myndi fyrr drepast við að reyna en að gefast upp. Það stappar í mig stálinu og ýtir mér áfram. Var að koma heim, fór á eftir honum áðan þegar hann fór með valtarann á vélavagninum aftur niðrá Skaga. Ástæðan, jú, hann skar sig illa upp úr kl. 10 í morgun og þurfti að sauma saman á honum tvo fingur, en hann gaf sér ekki tíma fyrr en nú, til að fara niðrá Slysó, því að fyrst þurfti sko að koma lyftaranum niðureftir. Þannig að vörubíllinn með vélavagninum var skilinn eftir þar sem valtarinn fór af og ég kom svo og skutlaði honum á mínum gamla Subaru á sjúkrahúsið. En nú verð ég að fara að leggja mig, svaf lítið í nótt af persónulegum ástæðum og er uppgefin. Varð bara aðeins að tjá mig fyrst til að róa hugann. Kærar þakkir elskulegu bloggvinir og aðrir sem nenna að kíkja á síðuna mína fyrir allt og allt.

Athugasemdir

[Svandís Rós, 28.3.2008 kl. 13:57]

Gott að heyra að þú og þið fyllist bjartsýni og jákvæðni. Eins samgleðst ég viðtökunum og viðbröðunum sem þið hafið fengið í kjölfar myglusveppsins. Það þarf að opna umræðuna um þetta, held að alltof fáir geri sér grein fyrir alvarleika málsins.

Treysti því að yfirvöld fari að vakna svo ekki sé minnst á tryggingarfélögin! 

[Bjarkey Gunnarsdóttir, 28.3.2008 kl. 14:12]

Hæ kæra vinkona.

Þú varst flott á stöð 2 ég var að vinna en sá þetta á plúsnum eftir á. Sagði einmitt að stofna þyrfti söfnunareikning. Endilega láttu vita hér hvaða reikningsnúmer er svo allir geti lagt ykkur lið.

Kveðja úr Ólafsfirði

Bjarkey og co

[Elísabet Sóley Stefánsdóttir, 28.3.2008 kl. 23:18]

Þið eruð frábær... sé Ívar í anda með hendina í "fatla" en redda öllu áður en forgangsröðin kemur af honum :-)

Bjarkey hér kemur reikningsnúmerið 1102-15-9217 Kt. 2410645149