Myglusveppur virðist ekki til hjá íslenskum ráðamönnum eða tryggingafélögunum!

Sá fyrirspurn áðan inni á athugasemdunum hjá mér sem fékk mig til að hugsa um allt það sem ég er búin að reyna til að fá einhverstaðar einhverja lausn okkar mála með húsið. Og að ég hef lítið minnst á hversu mikill léttir það var að fá loksins að vita hvað væri að mér. Þakka guði fyrir fyrirtæki Sylgju og Pálma, Húsum og heilsu, fyrir að vera til. Annars væri ég örugglega ennþá fárveik á Myglumelnum hafandi ekki hugmynd um af hverju. Þetta var orðið gríðarlega lýjandi ástand og mikið álag á allt og alla í kringum mig. Samviskubit kvaldi mig sífellt fyrir að vera svona mikill aumingi, ég sem hafði alltaf verið frísk og spræk og full af orku var nú orðin gangandi brak og fannst ég vera byrði á öllum. Ég var sífellt að rembast við að vera hressari en ég var og gera hluti sem ég réð ekkert við þar til ég gafst upp á því líka. Það er ekki gaman að kvíða því að vakna á morgnana til að sjá hvort dagurinn í dag yrði góður eða slæmur. Ég var lögð inn á sjúkrahús í nokkra daga því læknarnir vildu fylgjast með mér og að sjálfsögðu byrjaði ég að lagast, ekki lengur í húsinu en samt tengdi enginn, ekki einu sinni ég, þetta nokkru sinni eða á nokkurn hátt við húsið. Og að vera að fá heilsuna aftur, að verða gamla ég, það er yndislegt og algerlega ómetanlegt. En svo þegar við fórum að athuga möguleika fólks í okkar stöðu, þá kom enn eitt kjaftshöggið. Fórum fyrst í tryggingarnar-NEI-ekki einu sinni innbúið. Viðlagasjóður-NEI-ekki náttúruhamfarir. Bjargráðasjóður-NEI-Hættir öllu slíku. Og samkvæmt áliti lögfræðingsins okkar: Fasteignasalinn-NEI. Sveitarfélagið(byggingafulltrúi)-NEI. Húsbyggjandi-NEI. Seljandinn-EF TIL VILL EN HÉLT ÞAÐ YRÐI VONLAUST. Svo ef einhver getur bent okkur á einhverja leið sem okkur hefur yfirsést þá please, látið mig vita.

 

Athugasemdir

[Anna Gréta (IP-tala skráð) 29.3.2008 kl. 17:46]

Þetta virðist vera vonlaus staða, vonandi að það safnist eitthvað fyrir ykkur, en seljandinn, afhverju er það vonlaust og af hverju er það vonlaust með byggingaraðilann, hann byggði þetta ónýta hús, hvað með hreppinn - byggingarfulltrúinn, ef húsið hefur ekki verið tekið löglega út ? Svoldið margar spurningar veit

[Bylgja Hafþórsdóttir, 30.3.2008 kl. 07:35]

Byggingaraðilinn er þriðji aðili, ekki hægt, segir lögfræðingurinn. Byggingafulltrúi, er/var ekki skyldugur til að gera úttekt ef hann var ekki kallaður til af byggingaraðila, byggt árið 1986 og þágildandi byggingareglugerð sem gildir. Getum bara lögsótt seljanda v.leynds galla en vegna persónulegra aðstæðna hans er það vonlaust. . Tryggingar-Búið að fara fyrir tjónanefnd, fengum Nei þar einnig.

[Anna Gréta (IP-tala skráð) 30.3.2008 kl. 09:24]

Hvernig er byggingaraðilinn 3 aðili, byggði hann ekki húsið sjálfur og bjó þar í mörg ár ?  Og ertu að meina að sá sem seldi ykkur húsið hafi vitað af þessum galla í húsinu þegar hann seldi ykkur það ?

Mikið finn ég til  með ykkur

kv Anna Gréta

[Bylgja Hafþórsdóttir, 30.3.2008 kl. 12:56]

Einhvern veginn ekki hægt að hoppa fram hjá þeim sem við keyptum af og keypti af honum, sagði lögfræðingurinn, þekki ekki alveg nógu vel af hverju. Það er nefnilega það sem við vitum ekki og vonlaust er að sanna.

 Kv. Bylgja H