Myglusveppur ER hættulegur, sérstaklega börnum.

Hvað er eiginlega í gangi í þessu þjóðfélagi. Varð svo reið þegar ég sá þessa frétt og fann svo innilega til með þeim óheppnu fjölskyldum sem fluttu í námsmannaíbúðirnar í góðri trú. Það virðist enginn taka þessi mál alvarlega sem einhver áhrif hafa eða geta haft á hvernig litið er á eða brugðist við myglusvepp hér á landi. Í okkar nútímalega þjóðfélagi er enn strútahátturinn hafður á, hausnum stungið í sandinn og sannarlega ekkert gert til að byrgja brunninn fyrr en allavega tugir eru dottnir ofan í hann eins og svo oft áður. Íslenskir ráðamenn heilbrigðiskerfisins, sérstaklega, verða að fara að horfast í augu við þennan vágest, verða sér úti um upplýsingar og skoða þær rannsóknir sem hafa verið gerðar á þessum fjanda. Þeir geta ekki lengur boðið börnunum okkar upp á að eiga það á hættu að ónæmiskerfi þeirra verði fyrir varanlegum skaða og dæma þau til að vera sjúklinga alla sína tíð. Skora hér með á Guðlaug Þór, bæði sem heilbrigðisráðherra og faðir,  að fara að opna augun og skoða þessi mál af jafn mikilli alvöru og þau þarfnast.

Börnin veikjast vegna myglusvepps

Athugasemdir

[Svandís Rós, 4.4.2008 kl. 10:05]

Mikið er ég sammála þér.

Það eru til rannsóknir sem sýna fram á að myglusveppur er skaðlegur heilsu. En þar sem ekki er nafn íslensks vísindamanns sem undirritar slíka rannsóknarskýrslu þá er ekkert mark takandi á ... eða...?

Ég skil ekki, þar sem Ísland horfir alltaf til hinna norðurlandanna, að ekki sé farið eftir úrvinnslu þessara mála eins og er í Danmörk og Svíþjóð.

Ég fylgist líka spennt með þróun mála þar sem ég bjó, þar vilja íbúarnir stinga hausnum í sandinn og telja sér trú um að myglusveppurinn hafi bara verið staðbundinn við íbúðina sem ég var í... sem er alger firra!

Nei, eitthvað verður að fara gerast, það er ekki eðlilegt að heilsa fólks sé ekki meira metin. 

[Ævar Austfjörð, 4.4.2008 kl. 11:27]

Takk fyrir þessa ábendingu Bylgja. Ég las færsluna mína nokkrum sinnum aftur til að reyna að finna það sem þú kallar viðhorf mitt gagnvart þessum vágesti, málið er að ég er ekki að tjá mig um myglusveppinn heldur stórar yfirlýsingar Írisar byggðar á tilfinningu og það finnst mér draga úr trúverðugleika hennar. Ég væri mjög þakklátur Írisi fyrir að vekja máls á þessu ef hún gerði það á þann hátt að ég gæti tekið mark á henni.

Ég er líka algjörlega sammála þér um hvað heilbrigðisyfirvöld ættu að gera. Mér finnst þinn málflutningur mun trúverðugri en Írisar.

 Og ég er heldur ekki að segja að konur taki það eitthvað meira inn á sig en karlar ef börnin veikjast, þær virðast bara þurfa að hafa hærra um það. Enn og aftur!! ég er ekki á neinn hátt að gera lítið úr því og það er nauðsynlegt að benda á þetta.

lifðu heil