Doddi litli datt í dý, meiddi sig í FÓTNUM

Honum var alltaf upp frá því, dáldið illt í FÓTNUM. Nei, bannað að gera grín að fótaveikum mönnum, he he. Sambýlismaður minn til níu ára, vá, hvað tíminn er fljótur að líða., missteig sig. Ekki í frásögur færandi en síðan eru liðin mörg ár og síðan, já, alltaf öðru hvoru síðan þá, hefur minn verið að misstíga sig. Sami fótur, sami staður. Nú orðið er fóturinn á honum orðinn þannig að hann "misstígur sig" liggjandi uppi í rúmi. Á sléttu gólfi mistígur hann sig og ávallt bólgnar fótuinn upp, fær oft ljóta marbletti og getur eins og gefur að skilja ekki komið með mér í göngutúra, þó hann hefði gott af því blessaður. Honum er sagt að hreyfa sig en hvernig á hann að fara að því mér er spurn. Bara það að stíga á kúplinguna í vörubílnum alla daga er orðið meiri háttar mál. Jú, hann hefur marg oft farið til læknis og ég m.a.s. með honum í einhver skipti til að reyna að fá einhverja lausn mála en fram að þessu hefur það lítið gengið. Hann hefur t.d. aldrei verið myndaður eða rannsakaður almennilega. Bæklunarlæknirinn sem hann fór till skoðaði ekki einu sinni á honum fótinn, sagði bara að hann yrði að þjálfa hann. Humm, hvernig, það fylgdi ekki sögunni. Annar sagði að ef hann væri fótboltamaður þá myndi hann e.t.v. gera eitthvað og við fórum jafnvel niðrá slysó eftir eitt stigið enn með fótinn bólginn og marinn en nei, vertu í teygjusokk var svarið. En í dag loks hitti minn mann á almennilegan lækni og þá kemur í ljós að það er eitthvað mikið að. Annað hvort hefur fóturinn brotnað, liðurinn éitthvað illa bæklaður alla vega fannst honum þetta mjög sérstakt og hefur fengið annan sérfræðing með sér í málið til að skoða þetta og í fyrsta skipti síðan misstigi vesenið byrjaði á að mynda fótinn og til að sjá hvað er að. Það verður gert n.k. föstudag og ég bíð í ofvæni eftir niðurstöðunni og hvílíkur léttir þetta hlýtur að vera fyrir minn mann að fá loks einhver svör við því hvað er að.

Athugasemdir

[Kjartan Pálmarsson, 20.5.2008 kl. 12:01]

Eru liðböndin ekki eitthvað slök? Er það ekki málið?

Man eftir einum vinnufélaga, sem lenti í samstuði við undirritaðan (15 árum síðan) í knattspyrnu, þar teygðist svolítið á liðböndunum hjá kall ræflinum og þegar hann fór að geta stígið í fótinn aftur þá var hún svolítið laus og bognað auðveldlega undan honum,held reyndar að það sé farið að skána.

[Bylgja Hafþórsdóttir, 20.5.2008 kl. 12:38]

Held að hinir læknarnir hafi haldið það og þess vegna ekkert gert. Lítið hægt að gera víst. En þetta er eitthvað annað vill doktorinn meina og ætlar þess vegna að sýna hinum sérfræðingnum þetta, skildist mér.

[Kjartan Pálmarsson, 20.5.2008 kl. 12:42]

Góðar batakveðjur

[Hulda Brynjólfsdóttir, 20.5.2008 kl. 16:46]

Líst vel á þennan nýja lækni.

Ég var svona á hné til nokkurra ára, missteig mig við hin ólíklegustu tækifæri. Endaði svo á að slíta krossböndin í síðasta "misstiginu" og þá voru þau löguð. En allt annað í hnénu var illa farið og skemmt og við það má ég búa síðan. Liðbönd, brjósk og hvað þetta heitir nú allt.

Ég veit sko alveg af því þegar veður kólnar,- þá lætur hnéð öllum illum látum. Þannig að þegar fólk talar um að gigtin láti vita af veðrabreytingum, þá er það engin lygi,- ég hef sannreynt það.