Hvað ÞARF maður að eiga af húsgögnum???

Ég á það sem þarf, rúm handa okkur til að sofa í og var sko alveg tilbúin til að flytja í nýja húsið þegar það verður tilbúið með þau, þvottavélina og þurrkarann, ísskápinn og frystikistuna. Á eldavél, viftu og bakarofn í bílskúrnum sem ég hafði keypt smám saman til að setja í nýja eldhúsið, sem enn er í EGG og átti að fara í gamla húsið. Þannig að ég er ekkert í slæmum málum. Í gærkvöld fékk ég svo símtal þar sem mér var boðið að eiga sjónvarpsskáp og fleira sem frænka mín þarf að losna við þar sem hún er að flytja til Danmerkur, svo þetta er allt að koma. Eldhúsborð og stóla þyrfti ég kannski en get verið án ásamt sófasetti, iss piss, sitjum bara á gólfinu til að byrja með. Rómantískt. Verð nú samt að játa að það er hundfúlt að vera aftur farinn að þurfa að velta fyrir sér hverri krónu og vera skítblönk eins og í gamla daga þegar ég var ein með krakkana. Helv. bensínið, er dýrt að keyra 30 km til að nálgast nauðsynjar svo nú skammta ég mér Akranesferðir. Tvær á viku, ekki meira. Ekki lengur verið að keyra eftir pizzu og videóspólum, ó nei. Tími því ekki. Ágætt núna að kunna ekki á utanlandsferðir, sakna þeirra ekki á meðan.

Eigandi Fellsenda reyndi enn á ný að ræða við nýja sveitarstjórann í sambandi við húsaleiguna en hún stendur föst á sínu. Munnlega samkomulagið við fyrri sveitarstjóra telur hún sig ekki þurfa að standa við svo þau ætla ekki að borga.  Nú segi ég eins og leikkonan sem fékk myglusvepp í húsið sitt: Hundfúlt að þurfa að borga bæði húsaleigu og af húsi en leiguna ætla ég að borga einhvern veginn. Skuldahalinn vex hratt þessa dagana, ég sem skuldaði ekki neitt nema lánið á húsinu gamla en þýðir lítið að vera að velta sér upp úr því. Þetta kemur allt með kalda vatninu eins og maðurinn sagði.

Athugasemdir

[Unnur R. H., 22.5.2008 kl. 10:23]

Guð hvað ég skil pirrrrrringinn þinn. Það er óþolandi að lenda aftur í skuldum, ég bara þoli það ekki og er einmitt í þeim sporum núna

[Gauti Halldórsson, 22.5.2008 kl. 11:47]

og eða eins og maðurinn í bankanum sagði þú átt ekki nóga innistæðu til þess að við getum lánað þér......... skamm skamm sveitastjóri ........ hún fær ekki hátt skor hjá mér þessi kelling

[Gauti Halldórsson, 22.5.2008 kl. 11:49]

...........................................................

[Bylgja Hafþórsdóttir, 22.5.2008 kl. 12:20]

Leiðrétting: "að þurfa að borga af TVEIM húsum......"

[Eva Lind Matthíasdóttir (IP-tala skráð) 22.5.2008 kl. 13:35]

Bylgja.... þið eigið ekki að borga reikninginn :)

Allavega samkvæmt síðustu fréttum sem ég fékk frá bóndanum á Fellsenda er reikningurinn ekki ætlaður ykkur... Það er mun meira á hans prjónum heldur en að ætla að láta ranga aðila borga skuld sem þeir eiga ekki :)

Stefán í Skipanesi hafði samband við Gunna þegar ykkur vantaði húsnæði því hann vissi að Fellsendi stæði auður, lét ykkur í framhaldi af því fá númerið hjá honum. Síðan talaði Einar við Gunna ( að fyrra bragði) um leiguna en þar sem samtal þeirra er ekki skjalfest að þá þýðir ekkert að eiga við sveitina.

En allavega er reikningurinn stílaður á hvalfjarðarsveit en ekki ábúendur á Fellsenda :)