Húsafréttir af Myglumel 7

Í gær kláraði Eyjó, tengdasonur minn að leggja hitalagnirnar í grunn nýja hússins og naut við það dyggrar aðstoðar Sigrúnar minnar sem strappaði og strappaði. Við Sæunn komum svo í humátt á eftir með klippur og klipptum alla enda í burtu, svo nú er bara að setja þrýsting á kerfið(loft) og panta steypuna. Jibbí, platan er að verða klár. Húsið er loks laust úr tollinum og ég reikna með að Ívar sæki gámana nú í vikunni. Ég ætla aftur á móti að fara og panta klæðninguna utan á húsið og byrja að bera á hana svo eitthvað af henni verði nú tilbúið til ásetningar þegar húsið rís. Gátum fengið hús með utanhússklæðningunni á en okkur fannst við verða að hafa eins klæðningu og er á bílskúrnum. Er vön einungis 3 eða 4 ár síðan við höfðum klætt gamla húsið og þar málaði ég stærstan part af klæðningunni. Vil ekki að hún fari upp nema grunnuð og máluð í tvígang, bæði að innan- og utanverðu. Svo málverkur verður það einhverja næstu daga takk fyrir. Heyrumst kæru bloggvinir.

Athugasemdir

[Kjartan Pálmarsson, 2.6.2008 kl. 12:11]

Til hamingju með þennan áfanga!  

[Kristín (IP-tala skráð) 2.6.2008 kl. 12:18]

Óska ykkur líka til hamingju með áfangann!  Segi enn og aftur:
Haltu baráttunni áfram, skila sér einhvern daginn

Bestu kveðjur frá annarri myglusveppakonu

[Bylgja Hafþórsdóttir, 2.6.2008 kl. 12:21]

Takk fyrir kveðjurnar, svo er fljótlegt að reisa húsið og uppkomið verður það tilbúið til málunar og spörtlunar. En fyrst er að koma þak og utanhúss klæðningu á. Hipp hipp húrra. Getum líkað huggað okkur við að verð hússins hélt óbreytt þar sem við borguðum svo mikið inn á það í upphafi. Ekkert gengisbreytinga tap hér. Hjúkket.

[Bylgja Hafþórsdóttir, 2.6.2008 kl. 13:36]

Mátti til með að grobba mig með því að setja inn mynd af innviðum nýja hússins. Ekki stórt en alveg nóg fyrir okkur. Herbergi handa Sæunni og eitt auka fyrir hin þrjú þegar þau nenna að kíkja í heimsókn til Mömmu gömlu með familíuna sína eða þegar amma gamla fær aðrahvora ömmustelpuna í næturheimsókn já og/eða eitthvað af frændsystkinunum sem vilja koma í heimsókn eða pössun í sveitina.

[Bylgja Hafþórsdóttir, 2.6.2008 kl. 13:38]

Já og svo nýtist eldhúsinnréttingin sem ég hafði keypt í gamla húsið og bíður mín enn niðrí Egg mjög vel í þetta eldhús. Jibbí

[Síðasti Siglfirðingurinn (IP-tala skráð) 2.6.2008 kl. 23:25]

Til hamingju!! En kannski að þú hafir ekki tekið eftir því ( ég skoðaði teikninguna sko ) en......... húsið er á sænsku!!! Það mun ekki skiljast orð þarna inni???

[Baluo (IP-tala skráð) 3.6.2008 kl. 09:05]

 Thil hamingju Bylgja min.

Thu sverd thig i ættina, dugleg, dugleg, dugleg og jakvæd eins og foreldrar thinir.

[Bylgja Hafþórsdóttir, 3.6.2008 kl. 10:11]

Jamm Hólmar það er á sama stað. Valdi húsið m.a. út frá því og aðalinngangurinn er líka á sama stað svo ekkert vesen, he he.

Gamli Siglfirðingur, he he góður. Ef þetta er ekki einhver sem ég heff þekkt síðan 1971 þá er ég illa svikin. Mann pratar bara norsk he he

[Sirrý Hallgrímsdóttir (IP-tala skráð) 15.6.2008 kl. 08:42]

Hamingjuóskir med húsid:)  Fann vefin thinn hjá Steingrím.  Kossar og knúsar á ykkur. Bestu kvedjur.  Sirrý Ráska.