Draugar, djöflar og önnur dásemdarfyrirbæri!!!

Bylgja, Get a life. Eitthvað sem hún dóttir mín sýndi mér á hinni dásamlegu uppsprettu "Túbunni" varð til þess að ég fór að slá inn leitarorðum á borð við: "Ghosts", "Demons", "Stigmata" og einhverju álíka gáfulegu. Og hvílíkt ógrynni af myndefni sem er þarna inni. Og það sem vakti einna helst furðu mína var hverjir voru að setja inn svona efni. Mest áberandi var af því sem á einhvern hátt getur talist trúverðugt kom nefnilega frá kristilegum síðum eins og "saintbirgitte.com" og "thebibleword.com". Verandi sannur hjátrúafullur Íslendingur þá verð ég að viðurkenna að ansi margt þarna inni fékk mann til að vilja skoða meira og meira. Hverjir sáu t.a.m. myndina um Emily Rose. Þarna inni eru ljósmyndir og hljóðupptökur af persónunni sem Emily var byggð á og heitir Anneliese Michell eða eitthvað álíka. Óhuggulegar myndir. Einnig ljósmyndir af Theresu Neumann, sem flestir ættu að kannast við. Þarna inni eru líka myndbönd sem allavega fyrir mér voru ansi trúverðug og báru greinilega merki um hræðslu og fát þeirra sem urðu fyrir þeirri reynslu að ná afturgöngum á myndband.

Og til að klykkja endanlega út með hversu biluð ég er að þá viðurkenni ég hér og nú að ÉG HEF SÉÐ GEIMSKIP. Verst að vitnið mitt, sá sem sá þetta með mér nálægt Dalvík, að ég held árið 1978 er nú látinn og ég  hef oft bölvað sjálfri mér yfir að hafa ekki fengið hann til að staðfesta frásögn mína. Fyrir því lágu vissar ástæður sem óþarfi er að nefna hér, alla vega tók  ég ákvörðun um að tala aldrei við viðkomandi framar og stóð við það. Blessuð sé minning hans. Hef sagt ættingjum frá þessu en held að þeir trúi mér ekki alveg, skyldi engan undra. En GEIMSKIP sá ég og hana nú, jafn greinilega og tölvuskjáinn fyrir framan mig þessa stundina. Geriði bara grín að mér he he. Auglýsi samt hér með eftir einhverjum sem sá þetta sama fagra helgarnótt  fyrir norðan við dunandi dansmúsík frá balli á Dalvík.

Set hér með að gamni 3 myndbönd sem náðu að fanga athygli mína á "Túbunni"

http://www.youtube.com/watch?v=DR24ryIiHpw&feature=related

http://youtube.com/watch?v=zUtAmIakL0Q

http://www.youtube.com/watch?v=R0c2Z4H3C1Q

Góða skemmtun.

 

Athugasemdir

[Ásta (IP-tala skráð) 5.6.2008 kl. 14:27]

Bylgja mín ég trúi þér alveg með geimskipið, man reyndar ekki eftir geimskipi á Dalvík eftir ball 1978 en varð vör við geimskip í Ólafsfirði nokkru sinnum á árunum milli 1970 og 1980 , eða réttara sagt geimverur. Úff ég man greinilega lyktina af þeim það er lyktin sem stendur mest uppúr. Var vör við þetta nokkru sinnum en held það trúi mér enginn og það er þá bara allt í lagi.     Bless Ásta

[Bylgja Hafþórsdóttir, 5.6.2008 kl. 14:29]

gott að heyra að það eru fleiri en ég sem hafa upplifað svona og þora að tala um það.

[alva (IP-tala skráð) 5.6.2008 kl. 16:38]

Veistu að einu sinni sáum við systir mín fljúgandi furðuhlut í æsku, báðar saman á leiðinni heim eitt síðdegi um mitt sumar. Það var á norðurlendi einhverntímann um árið 1980 - alveg satt, man það eins og það hafi gerst í gær. 

Og úff þetta með draugamyndböndin, ég þorði ekki að horfa á það síðasta...hefði átt að sleppa öllu - nebbnilega ein heima þessa dagana

[Bylgja Hafþórsdóttir, 5.6.2008 kl. 16:45]

Já, ég held að það séu fleiri en færri sem hafa séð eitthvað svona en þora kannski ekki að tala um það. Þau eru sum hver ansi spúkí myndböndin þarna inni, svei mér þá. Og svo er líka fullt af ljósmyndasíðum.

[Bjarkey (IP-tala skráð) 6.6.2008 kl. 08:42]

HÆ

Vertu velkomin með hundana þína til mín. Mínar tíkur eru orðnar vanar því að hafa gesti af báðum kynjum. Svo áttu von á boðskorti á næstu dögum frá okkur mæðgum.

kv. Bjarkey 

[Bylgja Hafþórsdóttir, 6.6.2008 kl. 11:06]

Iff piff Hólmar, skamm skamm, nei skiljanlegt að þú trúir mér ekki Held að þú hafir verið einn af þeim fyrstu sem ég sagði frá þessu, minnir það. Ertu ekki feginn að vera laus við þessa klikkuðu kellingu sem þú bjóst með, hí hí. Sem hefur séð geimskip og allt, bwahaha.

Hvað eruð þið mæðgur nú að brasa Bjarkey. Dáist að úthaldi þínu og elju. Þú ert alltaf að. Takk fyrir það. Brúnó og Moli eru vanir Skottu hennar Sigrúnar, hún kemur reglulega og gistir í sveitinni svo hún geti sprellað aðeins. Moli og hún eru óaðskiljanleg þegar þau hittast. Brúnó minn vill bara komast á bak, he he, glætan að hann nái. Er að fara að láta gelda hann svo honum líði betur. Kemur hvort sem er aldrei til með að nota vininn til undaneldis.

[Bylgja Hafþórsdóttir, 6.6.2008 kl. 11:07]

Hólmar kíktu á þetta he he.

http://www.projectcamelot.org/boriska.html