Að meta einfaldleika hversdagsins!!!

Jamm og jájá. Þá er lífið aftur að falla í sínar gömlu skorður hér á "Heimsenda". Krakkarnir mínir, Skotta og Tása fóru heim í gær. Ívar kom heim í gærkvöld eftir 2ja vikna veru á Grundarfirði og þar í kring við akstur á malbiki. Sandra Karen og Kamilla Rún voru að fara eftir að hafa verið hjá frænku í sveitinni síðan á fimmtudag. Foreldrarnir skelltu sér til Glasgow til að fara á tónleika með Jon Bon eða Bon Jon eða eitthvað Jovi. He he. Hlustaði ekki mikið á þess háttar músík á mínum yngri árum frekar en í dag. Dótturinni finnst mamman hafa glataðan tónlistarsmekk. Alltaf að láta mig hlusta á eitthvert "gegt" lag á YouTube, birr, fæ bara hroll. Gæti aftur á móti sungið fjöldann allan af gömlu íslensku dægurlagatextunum og jafnvel þeim nýrri líka. Veljum íslenskt.  Brimkló, Lúdó og Stefán, Dúmbó og Steini, Upplyfting, Geirmundur, Bjöggi, Pálmi, Vilhjálmur, Siglufjarðarlögin. Jamm, það líkar minni. Og svo Elvis, hann er yndið mitt. Sven Ingvars elskaði ég þegar ég var stelpa. Gatt eytt heilu dögunum á stofugólfinu heima hjá ömmu og afa og spilað plöturnar þeirra. Sven Ingvars, Ómar Ragnars. með Botníuvísur og allt það og svo margt margt annað. Top of the Pops plöturnar átti ég samt nokkrar. átti plötu með Miriam Makeba og á henni spilaði ég alltaf sama lagið aftur og aftur. Nennirinn. Dolly Parton var til líka og svo sienna Queen og Megas. Mamma elskaði þá.

 En nú er ég heldur betur komin út fyrir efnið. Úbs. Ætlaði að blogga um hversdagsleika tilverunnar og að kunna að meta hann. Því þrátt fyrir gríðarlega skemmtilega helgi þá var hún líka erfið og nú er ég hér bara ein með tölvunni minni, ja, fyrir utan hundana og það er hvílíkt næs ef ég má sletta.

Er annars nýkomin neðan af Myglumel þar sem ég hitti Katrínu fréttamann hjá Stöð 2 ásamt sama myndarlega myndatökumanni og kom hér síðast. Hún hafði hringt í mig í morgun og langaði að fá að heyra hvernig gengi. Og ég var sko alveg til í það. Því meiri umræða um þennan "#$%##" myglusvepp því betra. En þarna spjölluðum við aðeins um það sem framundan er í húsamálum, núverandi stöðu hjá okkur og heilsufar mitt. Hjalti bróðir var mér til halds og trausts og þau tóku viðtal við hann líka. Held að þetta komi í fréttunum í kvöld, gleymdi alveg að spyrja að því. Ívar var í Hvalfirðinum. Hann er að ná í fyrsta gáminn, jíbbí jibbí. Tveir eftir. Vorum að vonast eftir honum á meðan viðtalinu stóð en þetta gekk svo hægt og hann þurfti að fara fyrir fjörð þar sem gámurinn er svo hár. En núna er hann rétt ókominn niðrá Mel og ég ætla að renna og hitta hann þar. Er svo farin suður að ná í Sæju Pæju. Svo heyrumst síðar.

Athugasemdir

[Bergur Thorberg, 23.6.2008 kl. 23:42]

Fyrirgefðu seinkunina en myndin þín kemue von bráðar.

[Bylgja Hafþórsdóttir, 24.6.2008 kl. 06:53]

He he ekki málið. Er þolinmóð manneskja.

[Sæunn (IP-tala skráð) 24.6.2008 kl. 07:39]

VEI ! ég er pæja ! (aulabroskall)

en mamma? svona fyrst þú situr hliðiná mér... nenniru að sækja f. mig capri sonne?? ^^

mwahahahahah:D  smooth move !

[Bjarkey Gunnarsdóttir, 24.6.2008 kl. 10:24]

Þú varst flott á stöðinni í gær. Tek undir með þér meiri umfjöllun verður vonandi til þess að einhverntímann gerist eitthvað jákvætt í þessum málum.

kveðja,

Bjarkey