Opið myglubréf sent á Guðlaug Þór og Þórunni

Þar sem ég er staðráðin í að koma einhverri umræðu af stað um myglusveppinn áður en fleiri lenda í því að þurfa að rífa heimili sitt til grunna og ég hef án árangurs, skrifað bæði Guðlaugi Þór, heilbrigðisráðherra og Þórunni umhverfisráðherra bréf sem þau sáu enga ástæðu til að svara þá gerðist ég frökk mjög og sendi þeim opið bréf sem vonandi birtist í Morgunblaðinu innan tíðar. Hefði ekki trúað þessu upp á sjálfa mig fyrir nokkrum vikum síðan en neyðin kennir naktri konu að spinna og ég ætla að vona að þetta hafi einhver áhrif þau. Að alla vega verði skoðað hvort ekki sé hægt að setja tjón af þessu tagi undir sama hatt og brunatjón, inn í skyldutrygginguna, eða að tryggingafélögin breyti skilmálum sínum á þann veg að hægt verði að tryggja sig fyrir tjóni sem þessu. Annað finnst mér bara vera mismunun. Ætla núna að hella mér í að skoða stjórnarskrána, jafnræðisregluna, sáttmála sameinuðu þjóðanna um réttindi barna og annað sem mér dettur í hug. Gangi mér vel.

Athugasemdir

[Hrönn (IP-tala skráð) 18.3.2008 kl. 10:37]

Góð , gangi þér vel, bannað að gefast upp. Kveðja bókasafnsfræðingurinn