Hugsunarvilla í innflytjendamálum???

Jæja, nú geri ég sjálfsagt einhverja reiða en svona gerir bloggið mann, gersamlega ómögulegt að halda skoðunum sínum bara fyrir sjálfan sig. Og eitt er það mál sem ég hef velt svolítið fyrir mér og það er hvaða leið stjórnvöld og aðrir viðeigandi aðilar hafa valið að fara í innflytjendamálum. Þá er ég að tala um þjónustuna sem innflytjendum er boðið upp á og er að mörgu leyti góðra gjalda verð. Erum við samt ekki að ganga aðeins of langt í að auðvelda innflytjendum að aðlaga sig hér í landinu okkar. Ég hef alltaf haldið að þegar útlendingar taka ákvörðun um að flytja til nýrra landa þá sé það þeirra að aðlaga sig að viðkomandi samfélagi en EKKI að samfélagið þurfi að aðlaga sig að þeim eins og mér finnst vera orðin krafa um á svo mörgum sviðum hérlendis. Aldrei myndi Íslendingar sem flytja til annarra landa láta hvarfla að sér að fara fram á að þeirra nýja bæjarfélag, hvort sem það er Hanstholm í Danmörku eða Istanbul setji allt fram á íslensku um það sem þeir þurfa að vita. Þeir bara leggja sig fram um að læra tungumálið, að aðlaga SIG að nýja landinu. Erum við ekki bara að draga á langinn að innflytjendur aðlagi sig íslensku samfélagi með því að hlaupa svona undir rassinum á þeim. Bjóða upp á að þeir verði alltaf útlendingar í okkar landi. Sér þjóðflokkur sem alltaf verður litinn öðrum augum. Hvað ætlum við að ganga langt í þessum efnum. Ætlum við að byggja moskur og gera Íslendinga að Múslimum eða grískum rétttrúnaðarmönnum svo að blessuðum útlendingunum líði nú betur í landinu og finnist þeir vera heima hjá sér. Þeir  eru ekki heima hjá sér og það er þeirra eigið val. Ef þeir vilja ekki eða geta ekki aðlagast okkar samfélagi, nú þá verða þeir bara að fara heim aftur. Þeir komu hingað að eigin vali og örugglega ekki með það að markmiði að breyta Íslandi og gera það að sínu. Þeir komu og skuldbundu sig þannig til að gerast Íslendingar og ef þeir hafa ekki metnað í sér til að læra íslensku og að læra á íslenskt samfélag nú þá er enginn sem bannar þeim að fara. 

 

Athugasemdir

[Svanur Gísli Þorkelsson, 14.4.2008 kl. 10:14]

Bylgja Reit; "Hvað ætlum við að ganga langt í þessum efnum. Ætlum við að byggja moskur og gera Íslendinga að Múslimum eða grískum rétttrúnaðarmönnum..."

Hversvegna viltu ekki leyfa trúfrelsi á Íslandi? Mega ekki aðrir en þeir sem tilheyra Evangelísku Lútersku Þjóðkirkjunni byggja sér bænahús eða tilbeiðslustaði?

[didda (IP-tala skráð) 14.4.2008 kl. 10:32]

Góð  Góð   Góð   Góð   Góð  Góð    

[Svanur Gísli Þorkelsson, 14.4.2008 kl. 14:56]

Sæl Bylgja

Við erum víst að skrifast á tveimur vetvöngum. Minna dugar ekki:) Svo þetta er þá "ýkt dæmi" með smá íroníu sem ég féll greinilega fyrir. Ég vil samt  geta þess að vestur-íslendingar sem fluttust til Manitópa héldu sig við mótmælendatrú og byggðu kirkjur fyrir sín samfélög. Persónulega er ég fylgjandi því að við varðveitum eftir bestu getu öll þjóareinkenni okkar, en vissulega verðum við að gæta þess að rjúfa ekki mannréttindasáttmálana sem við höfum gert.

[Kjartan Pálmarsson, 15.4.2008 kl. 00:12]