Afmælisdagur Birtu minnar framundan.

Þann 25. maí n.k. hefði Birta mín orðið 7 ára. Vá, hvað við hefðum haft skemmtilegan afmælisdag ef hún væri hér hjá okkur. Ég ætla að kveikja á kerti og setja eina hvíta rós í vasa. Tvíburasysturdóttir mín var hér hjá mér í fjóra daga þar sem Hrönn systir er með lungnabólgu og það er svo yndislegt að horfa á hana og sjá þannig hvernig Birta mín væri ef hún væri á lífi. Við vorum óléttar á sama tíma og í þetta skiptið gekk það hjá henni en ekki hjá mér. Hefur líka verið öfugt. Þ.e. gekk hjá mér árið 1986 en ekki henni.  Fórum sama dag í aðgerðina og allt þá. En svona er víst lífið. Ég á fullt af gimsteinum og einn þeirra, Kolbrún Kara yndislega ömmustelpan mín verður tveggja ára núna 24. maí. Það verður sko fjör í afmælisveislunni og dekrað við dömuna litlu. Hún er svo sérstakur karakter að það er leitun að öðru eins. Róleg, yfirveguð, hlýðin og svo sátt við lífið og tilveruna. Að vera með hana er ævintýri. Það þarf svo lítið til að gleðja hana og leyfa henni að skoppa  hérna úti á Fellsenda er henni ævintýri.

Athugasemdir

[Elísabet Sóley Stefánsdóttir, 20.5.2008 kl. 18:11]

Elsku Bylgja, ótrúlegt hvað tíminn líður hratt, svo stutt síðan en samt svo langt :-(  Hér verður kveikt á kerti fyrir ykkur og við sendum ykkur góða strauma.

KNÚS OG KRAM

Elísabet

[Ragnheiður (IP-tala skráð) 23.5.2008 kl. 13:33]

Já síðan eru liðin 7 ár vá tíminn líður hratt ég verð með kerti.

knús og kossar

Ragnheiður

www.litlirenglar.is