Annasöm og yndisleg helgi að baki.

Það er allt í einu kominn mánudagur, vindurinn gnauðar hér á glugganum og mig langar norður á Sigló í góða veðrið. Föstudagurinn fór í Reykjavíkurferð og Kringluna, nema hvað, kem þangað svona fimm sinnum á ári. En nú var tilefnið nógu mikilvægt til að réttlæta ferð þangað, nefnilega afmælisdagur litlu Kolbrúnar Köru. Daman er orðin tveggja ára. Vá. Og við þrímæðgurnar, ég, Sigrún og KK fórum og misstum okkur í Next. Úrvalið af fallegum barnafötum þar er ævintýralegt og ekki spillir verðið fyrir. Afmælisdagurinn sjálfur var laugardagurinn en af ákveðnum ástæðum var veislan haldin í gær, sunnudag. Hvað er tilhlýðilegra en að halda barnaafmæli á degi barna. Laugar(Evróvision)-deginum var eytt með nýja ömmubarninu. Hún er 3ja vikna þessi elska og þær mæðgur kíktu í heimsókn til ömmu gömlu í sveitina. Þarna kúrði litla dúllan í rúminu sem ég er með inni í stofu og amma bara varð að fara og kúra aðeins hjá henni þar sem hún svaf værum svefni. Pabbinn kom svo þegar hann var búinn niðrí grunni þar sem hann var að setja járnamottur og einangrun fyrir mömmu gömlu og rétt fyrir sjö var pizza sótt á Skagann og hún mauluð yfir Evróvisjón. Eiginmaðurinn kom óvænt heim þannig að plönin riðluðust aðeins en það var bara skemmtilegra að hann væri líka. Annars vorum við Sæunn búnar að ákveða að við yrðum á Skaganum hjá ömmustelpu en hún var bara hér í staðinn. Gott mál, og Ívar náði loks að sjá dömuna í fyrsta skipti. Á sunnudagsmorgninum bakaði amma svo afmælishring handa tveggja ára prinsessunni og brunaði með hann suður til að reyna að myndast við að hjálpa til við undirbúning veislunnar. Ekki það að hún Sigrún mín, þyrfti svo mikið á hjálp að halda. Hún er algjör töfrakerling og svo elskar hún að gera eitthvað svona fyrir KK þannig að þetta var eins og fermingarveisla. Dagurinn var svo yndislegur og allt svo afslappað í veislunni að við Sæunn nenntum ekki heim fyrr en bara klukkan að verða níu eða eitthvað.

Ég hlustaði á hana Lenu mína messa í útvarpinu, einn besti prestur sem ég hef fyrirhitt og trúir svo innilega að þetta er sko engin rútína hjá henni heldur upplifun. Hin árlega "alnæmis"messa var svo líka í gær í fríkirkjunni og þetta er annað árið í röð sem ég hef ekki komist. Gefur mér mikið að fara þangað, allt svo létt og skemmtilegt en samt hátíðlegt. Tónlistaratriðin hafa verið ógleymanleg og svo er Hjörtur Magni bara skemmtilegur prestur.

En nú tekur hverdagurinn við, verð að vinna smá fyrir Art sérsmíði þar sem ég á að heita launafulltrúi og bókari og  svo koma þrír frá þeim í mat í hádeginu. Hvað á ég að elda, darn, nenni ekki á Skagann þar sem ég verð þá að fara aftur eftir hádegi. Æi, finn eitthvað í kistunni. Fiskréttur verður það heillin. Namm, namm. Og ekki má gleyma að hringja í lögfræðinginn eins og ég ætlaði að gera á föstudaginn en náttúrulega gleymdist í borgarferðinni. Vonandi er eitthvað að gerast í okkar  málum. Langar líka að senda Björgvini viðskiptaráðherra tölvupóst til að benda honum á hvað við erum aftarlega á merinni tryggingalega séð varðandi myglusvepp og athuga hvort hann hefur eitthvað fylgst með Árbæjardæminu. En góðar stundir bloggvinir kærir og takk fyrir að vera til.

Athugasemdir

[Kristín (IP-tala skráð) 26.5.2008 kl. 11:01]

Er ekki Jóhanna Sigurðardóttir með tryggingarmálin í landinu ? 
Hún er amk titluð Félags- og tryggingarmálaráðherra.  Hún er nú líka nokkurskonar álfadís ríkisstjórnarinnar um þessar mundir, svífur um og sveiflar prikini sínu á bágt þjóðfélagsins og kabúmm..... lagar málin  
Hún gæti alveg verið manneskjan sem hlustar á þig og gerir eitthvað!  En sendu bara á þau bæði, um að gera.

[Bylgja Hafþórsdóttir, 26.5.2008 kl. 11:19]

Tryggingamálin eru komin yfir til viðskiptaráðherra. Sendi henni bréf á sínum tíma og hún var sú eina þá sem sá ástæðu til að svara mér. Hafði líka sent umhverfisráðherra bréf ásamt fleirum. Það var ritari hennar sem einmitt benti mér á að tala við Björgvin sem ég og gerði. Fékk m.a.s. fund með honum þar sem hann bað um að fá að fylgjast með og þess vegna ætla ég að senda honum tölvupóstinn. Takk fyrir að lesa bloggið mitt.

[Kristín (IP-tala skráð) 26.5.2008 kl. 12:10]

Kemur ekki á óvart með Jóhönnu (ég er ánægð með hana þó svo að hún sé í röngum flokki  )
Verður gaman að vita hvernig Björgvin tekur á málinu, held líka að hann sé vandaður maður.

En Hollustuverndin, er það ekki Heilbrigðisráðuneytið?  Senda póst á Guðlaug líka, hann hlýtur nú að hafa áhuga á málini í ljósi heilsugæslumálsins í Árbæ. 

[Bylgja Hafþórsdóttir, 26.5.2008 kl. 12:56]

Var einmitt hann sem ég byrjaði á að hafa samband  við. Hef ekki heyrt múkk frá honum. Kennski ég ætti að reyna aftur núna fyrst þetta með Árbæinnn er komið upp.

[Kristín (IP-tala skráð) 26.5.2008 kl. 13:06]

Ekki spurning.  Haltu áfram að berjast  
p.s. Kannski kominn tími til að stofna hagsmunasamtök ?