Það skyldi þó aldrei vera myglusveppur!!!!

Ég get ekki annað en glaðst yfir þessari frétt ef ég á að vera alveg hreinskilin. Fróðlegt þætti mér að vita hvernig sjúkdómseinkenni viðkomandi starfsmanna eru. Ég finn svo innilega til með þeim og fagna því að stjórnendur heilsugæslustöðvarinnar taki veikindi þeirra það alvarlega að þeir vinni markvisst að því að komast að hvað það er sem veldur. Ég ætla bara að vona að vinnueftirlitið standi sig í stykkinu og taki þetta alvarlega. Vonandi standa þeir sig betur en heilbrigðisfulltrúinn sem ég leitaði til á sínum tíma þar sem hann átti að vera fulltrúi Hollustuverndar. En svo er annað mál hvort eitthvað komi út úr rannsóknunum á starfsfólkinu, það eru nefnilega einungis um 50% líkur á að myglusveppur komi fram á t.d. blóðprufum eftir því sem ég kemst næst. Nú er bara að vona að eitthvert tryggingafélagið sjái sóma sinn í að fara að bjóða upp á tryggingar gagnvart þessum vágesti líkt og í nágrannalöndum okkar, Noregi og Svíþjóð.

Rannsakað hvort húsnæði heilsugæslu sé heilsuspillandi

Athugasemdir

[Kristín (IP-tala skráð) 25.5.2008 kl. 22:48]

Ég gladdist líka, af nákvæmlega sömu ástæðum og þú. 
Þú átt alla mína samúð.... sérstaklega þar sem ég þekki til þessa vágestar líka (bara í minna mæli en þú). 
Langar að vita.... fulltrúi Hollustuverndar.... er það fulltrúi frá Heilbrigðiseftirlitinu ? Er smá forvitin sökum míns máls.

[Óskar Arnórsson, 26.5.2008 kl. 01:40]

..það er með eindæmum að það þurfi að rannsaka eitthvað um myglu í húsum á ÍSLANDI árið 2008! Þetta er eitt baneitraðasta fyrirbæri sem er til! bara að panta mann með mælitæki og mæla! Annaðhvort er mygla í húsi eða ekki. þetta er eins og að segja að já, það er að vísu kviknað smávegis í húsinu svo við skulum senda slökkvilisnefndinni bréf og athuga hvort eldurinn sé hættulegur eða ekki..vill einhver hafa slökkvilið sem vinnur svona? ótrúlegt að þetta skuli bara vera til! Mygla í húsi er jafn hættulegt og að það væri kviknað í húsinu. Sama hvort eldurinn er lítill eða ekki, ef hann er ekki slökktur þá hefur eldur tilhneigingu að breiða úr sér. kannski hagar eldur  á íslandi sér eitthvað öðruvísi á Íslandi enn öðrum löndum.  Eru menn að sanna hvort kvinað sé i húsi með því að kanna brunasár á fólki?  Ég vona að þú skiljir samlíkingunna Bylgja! Þetta er nefnilega jafnalvarlegt mál..greinilega allstaðar nema á Íslandi..að það skuli ekki vera til myglutryggingar segir mér allt um þetta mál sem ég vil vita um. Ég ætla aldrei að segja frá þessu í Svíþjóð!  Ég skammast mín alveg nóg fyrir aulagangin og ruglið á  þessu landi þó ég bæti ekki þessu við. Svo myndu þeir hvort eð er ekki trúa mér heldur..vona að hafi ræst eitthvað úr þessu hjá þér Bylgja með húsið og tjónið sem þú varðst fyrir...

kv, 

[Bylgja Hafþórsdóttir, 26.5.2008 kl. 10:19]

Já, eftir þeim upplýsingum sem ég fékk eftir ótal símtöl til að finna út hvert ég ætti að leita. Talaði á endanum við Umhverfissvið Reykjavíkurborgar og þeir sögðu mér að heilnbrigðisfulltrúinn væri fulltrúi hollustuverndar þannig að ég hringdi í hann og fékk hann til að koma. Pah, hef sagt frá því fyrr á blogginu mínu en hann fékkst ekki einu sinni til að skoða skriðkjallarann á blankskónum sínum, sagðist ekki ætla að fara að skríða sem þarf ekki einu sinni, er vel manngengur. Hann tók engin sýni ekki neitt. Hnussaði bara vegna dekkja sem voru úti og skipaði mér að hætta að reykja.